Quneytira-SANA
Hêzên Îsraîla Dagîrker duh êvarî roja Duşemê derbasî bajarokê Bîr Ecem û gundê Berîqayê li gundewarê Quneytirayê bûn.
Nûçegihanê SANAyê li Quneytirayê dîyar kir ku hêzeke dagîrkerîyê ku ji du tirimbêlan pêk dihat, ji dergehê bajarokê Bîr Ecem li gundewarê Quneytirayê yê başûr derbas bû û ber bi gundê Berîqayê ve bi rê ket, û gihîşt devera Bîr El-Kebas berî ku ji deverê derkeve.
Di heman mijarê de, hêzên dagîrkerîyê welatîyekî bajarokê Ruyhîne li gundewarê Quneytirayê yê başûr berda, yê ku îro berî demekê hatibû girtin.
Îsraîl bi êrîşên li ser başûrê Sûrîyê û li ser welatîyan, bi rêya serdegirtinan û têkbirina zevîyan, binpêkirina peymana veqetandinê ya sala 1974an, didomîne.
Sûrîye bi berdewamî daxwaza derketina hêzên Îsraîlê ji xaka xwe dike, û tekez dike ku hemû karên ku li başûrê Sûrîyê dike betal û bêkêr in, û li gorî yasayên navdewletî ti bandoreke wan a yasayî nîne, û bang li civaka navdewletî dike ku berpirsyarîyên xwe bigire û li dijî kiryarên dagîrkerîyê bisekine, û wê neçar bike ku bi tevahî ji başûrê Sûrîyê vekişe.
