Laziqîye-SANA
Fermandarîya Ewlekarîya Navxwe li parêzgeha Laziqîyê kesekî ku di xwepêşandanên 28ê Kanûna Paşîn a borî de tundûtûjî û tevlîhevî han dida, girt.
Wezareta Navxwe ragihand ku Heyder Elî Osman li Qirdahayê hatiye girtin, ji ber tevlîbûna wî di handana tundûtûjîyê, armancgirtina ewlehî û malûmilkan, û handana fitneyên tayifî yên ku aştîya civakî dixe metirsîyê.
Lêkolînan eşkere kir ku navhatî peywendîya xwe ya xzimatîyê bi Îmad El-Esed re û posta xwe ya berê ji bo birêvebirina torên qaçaxçîtîya madên hişbir bi hevkarîya efserên rejîma rûxandî bi kar anîye.
Wezaretê tekez kir ku navhatî piştî rûxandina rejîmê bûye handerekî sereke li dijî dewletê, ku gotarên tayifî û cudaxwaz belav kirine, û di dema xwepêşandanên dawî de rasterast handana êrîşkirina ser hêzên ewlehîyê kiriye.
Wezaretê piştrast kir ku kesê girtî ji bo girtina rênimayên yasayî yên pêwîst, ji dadgeha peywendîdar re hat şandin.
Êrîşa bermayîyên rejîma rûxandî li ser hêzên ewlehî û sivîlan di xwepêşandanên Laziqîyê de (28ê Kanûna Paşîn), bû sedema mirina 3 kesan û birîndarbûna 60 kesan, her wiha xerabkirina wesayîtên polîsan, ev yek li ser banga kesê bi navê Xezal Xezal pêk hat.
Ji dema rûxandina rejîmê ve, komên “bermayîyan” hewl dane ku guherîna sîyasî red bikin bi rêya handana xwepêşandanan bi dirûşmên parçekirinê, û ev yek wekî perdeyekê ji bo armancgirtina ewlehî û xerabkirina malûmilkên giştî bi kar anîne.
