Heleb-SANA
Wezareta Ewqafê ragihand ku wê zêdetirî 20 mizgeftan li bajarê Helebê vekirine û amade kirine ji bo hewandina kesên ku ji ber tawanên rêxistina HSDê ji taxên Eşrefîyê û Şêx Meqsûdê koçber bûne, bi armanca dabînkirina pêdivîyên wan ên bingehîn.
Wezaretê di daxuyanîyekê de dîyar kir ku Rêveberîya Ewqafê ya parêzgeha Helebê bi destpêkirina pêla koçberîyê re kadroyên xwe xistin rewşa amadebaşîyê, û heta vêga zêdetirî 400 malbatên koçber di mizgeftên ku bi kelûpelên pêwîst hatine amadekirin de hatine pêşwazîkirin.
Parêzgerê Helebê Ezam El-Xerîb îro di demeke zûtir de bang li welatîyan kiribû ku bi temamî pabendî rênimayên alîyên peywendîdar bin, û tekez kiribû ku di dema niha de berê xwe nedin taxên Şêx Meqsûd û Eşrefîyê, ji bo parastina silametîya wan û misogerkirina birêxistinkirina vegera wan a ewledar.
