Himis-SANA
Tîmên Berevanîya Sivîl ên Sûrîyê, bi piştgirîya leşkerên Artêşa Sûrîyê, hejmarek kes ji xeniqînê rizgar kirin, dema dixwestin bi qaçaxî di rêya ″Çemê Mezin ê Başûr″ re derbasî Libnanê bibin.
Fermandarê Tîma Navenda Telkelaxê, Munîr Qedûr, dîyar kir ku tîmên wan piştî wergirtina agahîya xeniqîna hinek kesan, yekser dest bi xebatê kirin. Tevî ku ji ber zêdebûna herikîn û bilindîya asta ava çem, gihîştina wê deverê zehmet bû, tîman bi meşê ligel endamên Lîwaya 52an erkê xwe yê rizgarkirinê pêk anîn.
Di encama vê operasyonê de du jin û ciwanek hatin rizgarkirin; çareserîyên destpêkî ji bo wan hatin kirin û piştre birin Nexweşxaneya Niştimanî ya Telkelaxê. Kesên ku hatine rizgarkirin da zanîn ku koma wan ji 11 kesan pêk dihat; hinek ji wan vegerîyan alîyê Libnanê û hinên din li ber ava çem çûn.
Qedûr dîyar kir ku ji ber metirsîya mayînan û bilindbûna asta avê, niha ne gengaz e xebatên lêgerînê berdewam bikin.
