Hums-SANA
Fermandarê Ewlekarîya Hundirîn li parêzgeha Himsê, Emîd Murhef El-Neʼsan, ragihand ku wan kesê bi navê “E.H” girt, piştî hat piştrastkirin ku wî li ser rêya gundê Cenderê yê li gundewarê Himsê welatîyê bi navê Bedredîn El-Xalid kuştiye.
El-Neʼsan dîyar kir ku Rêveberîya Ewlekarîya Hundirîn ya li herêma Qisêrê, piştî ku zanyarî derbarê dîtina cenazeyekê li wê deverê wergirtin, yekser dest bi tevgerê kir, cenaze ji bo temamkirina tedbîrên bizîşkî û qanûnî bir nexweşxaneyê, û ji bo parastina delîlan cihê bûyerê dorpêç kir.
Kesê girtî di dema lêpirsînê de li xwe mikur hat û eşkere kir ku wî bi armanca talankirinê ev tawan pêk anîye, û got ku dema qurbanî li ber xwe daye, wî ew kuştiye.
Emîd El-Neʼsan dîyar kir ku wan kujer radestî dadgeha peywendîdar kiriye da ku tedbîrên qanûnî yê pêwîst li dijî wî bên pêkanîn.
