Swêda-SANA
Çend çavkanîyên herêmî û dezgehên ragihandinê yên cuda, ragihandin ku Şêx Mahir Felhût, piştî du rojan ji revandina wî li ser destê komên dervî qanûnê yên bi navê “Pasevanên Niştimanî” yên girêdayî Hikmet El-Hecerî, li parêzgeha Swêdayê di bin êşkenceyê de hate kuştin.
Vîdyoyên ku li ser torên civakî hatine weşandin, revandina Felhût ji mala wî, berî du rojan, ji alîyê girûpên bi navê “Pasevevan Niştimanî” ve dîyar kirin, piştre çavkanîne sivîl li parêzgehê ragihandin ku ew ji ber êşkenceya tund di zindanên wan girûpan de hatiye kuştin.
Ev tawana kuştina Felhût, piştî kuştina Şêx Raid El-Metnî ye, ku ew jî di bin êşkenceyê de bi destê heman girûpan li Swêdayê hatibû kuştin.
Hêjayî gotinê ye ku rewşa ewlehîyê li Swêdayê xirabtir bûye, piştî belavbûna komên çekdar ên bi derve ve girêdayî, û ji bo xweferzkirina bi darê zorê pev dikevin. Ev komên zordar xelkê digrin, alîkarîyên mirovî bi rêya kontrolgehên ku îdia dikin ku ji bo parastinê ne didizin, û gelek binpêkirinên din jî pêk tînin, lewra pêdivî ye dezgehên dewletê vegerin deverê ji bo welatîyan biparêzin û dawîyê li vê bêserûberîyê bînin.
