Şam – SANA
Bi armanca piştgirîya afrînerîyên Sûrî di warê wêjeyê de, Pirtûkxaneya Neteweyî li Şamê, wek beşekî ji ahengên Cejna Rizgarkirinê, hazirîya destpêkirina “Pêşbazîya Pirtûkxaneya Niştimanî ya Afirînerîya Çandî” dike, ya ku dê ji du beşan pêk were, yê ciwanbêjîyê û yê helbestê.
Derbarê beşên pêşbazîyê, Rêveberê Giştî yê Pirtûkxaneya Niştimanî, Seîd Hîcazî, îro di daxuyanîyekê de ji SANAyê re eşkere kir ku di qonaxa yekemîn a pêşbazîyê de, kesên beşdar dê helbestên xwe an jî gotarên xwe yên ciwanbêjîyê yên resen pêşkêş bikin, ew nivîs dê ji alîyê komîteyeke pispor ve ya ji helbestvan û nivîskaran pêk tê, bi awaykî ronî û zelal werin nirxandin.
Hicazî got ku armanca sereke ya vê pêşbazîyê, piştgirîya afrînerîyan e, di rêya dabînkirina cihekî ji wan re li Pirtûkxaneya Niştimanî, da karibin berhemên xwe lê pêşkêş bikin û werin naskirin.
Kesên pileya yekemîn ên pêşbazîyê dê werin xelatkirin, û yên biserketî bi giştî berhemên wan bên çapkirin û belavkirin, ji bilî ronîdana li ser wan di medyayê de.
