Parêzgerê Siwêdayê Mistefa el Bekûr îro li gel rûsipiyên eşîrên parêzgehê, behsa kar û bizavên ji bo dabînkirina ewlehî û aramiyê û rêxweşkirina li pêşiya vegera xelkên derbider bo gundên wan dike.
Di wê hevdîtina ku li bajarokê Rexim yê gundewarê Der’a pêk hat de, parêzger li daxwazên rûsipiyan û astengiyên di vê qonaxê de guhdarî kir û giringî hat dan bo vegera xelkên gundê Elmezre’a di dema bê de û ektîvkirina karê hêzên ewlekariya navxwe û dabînkirina vegereke bi ewle û domdar.
Her weha behsa awayên dabînkirina pêdawîstiyên vegerê bi hevkariya li gel rêxistinên mirovî kirin, her weha behsa piştgiriya tevaya pêkhateyên civakê ji bo dabînkirina hevgirtina civakî û jiyana asayî vegerîne ew gundên ku derdên koçberiyê kişandine kirin.
Bekûr di civînê de tekez kir ku dewlet di karê xwe yê ji bo çareserkirina kirîzê li parêzgehê û aliyan li hev bîne berdewam e û tekez kir ku di qonaxa bê de dê gavên berbiçav ji bo piştgiriya aramiyê werin avêtin.
Her weha li gel karmendên dewletê yên parêzgehê, behsa mekanîzma dana mûçeyên karmendan bi awayekî birêkûpêk kir.
