Hims-SANA
Komeleya el-Necat a Xêrxwazî li Himsê bi hevkariya li gel Yekîtiya Cotkarên Himsê û Kompanya Îmîsya Ekademî, workşopek bi serenavê “ berhemdaneke çandinî ya abûrî“ li baregeha Kompaniya Îmîsya li dar xist û hejmarek ji cotkar û xwendekarên zanîngehê û kesên guhdanê bi sektora çandiniyê dikin lê beşdar bûn.
Di wê workşopê de, awayên veberhênana herî baş di çandiniyên abûrî de hatin gotubêjkirin, nemaze çandina zaferan û qebar û stîvyayê, yên ku wek alternatîfên stratîcîk ên dahata wan pir e tên naskirin û hewcedariya wan bi aveke pir tuneye û li rûberên biçûk jî tên çandin.
Zaferana Sûrî bijardeyeke stratîcîk ya cihê hêviyê ye
Serokê encumena rêveber ya Komeleya Necat ya Xêrxwazî, Ebdil Mesîh Di’êc, behsa taybetmendiyên Zaferanê kir û got ku hebûna zeviyeke nimûneyî ku wek wê li Sûriyê tunene ye li gundê Kefer ’Aya yê gundewarê Himsê heye.
Û tekez kir ku vekolînan başbûna zaferana Sûrî çesipandiye, ji ber ku aveke pir jê re navê û li rûbereke tenê 5 metreyên duca bin jî tê çandin, lewra ew bijardeyeke baş e di rewşa seqayê ya xerab de.
Qebar: gewhereke niştimanî yê nirxê wî nehatiye naskirin û berhema wê dighêje 40 hezar tonî
Di workşopê de daxwaza destnîşankirina nirxê qebar hat kirin, her weha daxwaza avakirina kompaniyeke taybet bi kirîna qebarê ji cotkaran û hinartina wê ji bo dervî welat da tevgera abûrî pê geş bibe.
Pirojeyên geşepêdanê li dijî rewşa abûrî û seqaya xerab in
Di daxwuyaniyekê ji medyakaran re, Di’êc tekez kir ku ev workşop ji bo handana destpêkirina pirojeyên nû yên van çandiniyan e û berfirehkirina pirojeyên ku hene, nemaze ku rewşa abûrî û ya seqayê xerab e.
Workşopa ku li Himsê hatibû lidarxistin tekezî li ser giringiya veberhênanê di warê çandiniyên abûrî de kir wek destpêka geşepêdana domdar, ji bo piştgiriya nûavakirina Sûriyayê.
