Heleb-SANA
Hat ragihandin li Taxa El-Şear ji teref Parêzgarê Helebê ve holeke nû ji bo xizmetên rewşa sivîl tê vekirin.
Li gorî agahîyên ku hatine wergirtin Parêzgarê Helebê Ezzem el-Xerîb îro li taxa el-Şear, bi amadebûna Alîkarê Wezîrê Karên Navxweyî yê ji bo Karûbarên Sivîl Tuggeneral Ziyad el-Ayeş, holeke nû ya xizmetên rewşa sivîl vekir. Ev beşek ji plana wezaretê ye ji bo berfirehkirina xizmetan û hêsankirina prosedurên ji bo welatiyan.
Derbarê mijarê de parêzgar ji peyamnêrê SANA re daxuyanîyek da û got ku navenda nû, ku li kêleka garaja gundewarê rojhilatê ye, dê ji bo niştecihên navçeyên rojhilatê bajêr û deverên gundewarî yên cîran hêsantir bike ku hemî belgeyên kesane bêyî ku biçin navendên bajêr bistînin.
Di berdewama daxuyanîya ku hat belavkirin de Parêzgar destnîşan kir ku hola nû dikare rojane nêzîkî 1000 welatiyan qebûl bike û nêzîkî 20,000 danûstandinên kaxezî pêvajo bike, ew ê bi vî awayî zext û qerebalixiya li navendên din ên parêzgehê bê sivikkirin.
Ji teref Mihemed El-Şawaxê Rêveberê Karûbarên Sivîl ê Parêzgehê ve jî hat ragihandin vekirina navendê beşek ji planeke berfireh e ji bo baştirkirina xizmetên ku ji welatiyan re têne peyda kirin û hêsankirina prosedurên îdarî bi zêdekirina hejmara navendên xizmeta welatiyan li seranserê hemî parêzgehan.
