Quneitra-SANA
Hat ragihandin hêzên dagirker ên Îsraîlê îro êrîşên xwe li gundewarê Quneytrayê ji nû ve kirin. Di êrîşan de cihekî terikandî ya li rojhilatê bajarokê “Bregayê” bi çend topan topbaran kirin. Her wiha leşkerên dagirker ketin nav herêma “Til Krom” û gundê “El-Esbehê”, xalek kontrolê danîn û li wê derê di çend malan de lêgerîn kirin.
Derbarê mijarê de ji teref nûçegihanekî SANAyê yê li Quneytrayê ve hat ragihand ku hêzên dagirker ên Îsraîlê bi pênc topan êrîşek birin li ser şîrketa aşxaneyên terikandî ya li rojhilatê bajarokê “Bregayê” ya li gundewarê başûrê Quneytrayê.
Nûçegihanê SANAyê derbarê mijarê de diyar kir ku dewriyeke hêzên dagirker ku ji du wesayîtan pêk dihat, di nav rewşa hişyariyê ya hêzên ku li ser xeta veqetandinê belav bûne de, ketin nav herêma “Til Kroma” li gundewarê navenda Quneytrayê. Ev yek bi dengê teqînan re hevdem bû ku di nav bilindahiyên Golanê yên dagirkirî de, ku ji ber perwerdehiya leşkerî ya ji hêla hêzên dagirker ên li herêmê ve hatine bihîstin.
Li gorî agahîyên ku hatine bidestxistin îro êvarê, hêzên dagirker ên Îsraîlê bi karwaneke ku ji 16 wesayîtan ji ser girên Golanê yên dagirkirî bi deriyê gundê “El-Eşa” ber bi gundê “El-Esbehê” li gundewarê Quneytrayê ve întîqal kirin û pêşve çûn. Hêzên dagirker li herêmê xaleke kontrolê danîn û di çend malan de lêgerîn kirin û di heman demê de dron li ser herêmê hatin firandin.
Dagirkeriya rejîma dagirker binpêkirinên xwe yên di nav axa Sûriyeyê de didomîne. Rejîma dagirker bi van êrîşên xwe yên li Sûrîyê, Peymana Veqetandinê ya 1974an, rêzikên hiqûqa navneteweyî û biryarên (UN) yên têkildarî desthilatdarîya dewleta Sûrîyê binpê dike.
Ji teref rayedarên Sûriyê ve derbarê van êrîşên ku tên kirin de daxuyanîyek hat belavkirin. Rayedaran van êrîşên dubare şermezar kirin û tekez kirin ku ew hewlên ji bo bidestxistina aramiyê asteng dikin û binpêkirinek eşkere ya hiqûqa navneteweyî û Peymana Veqetandinê dikin. Sûriyeyê derbarê mijarê de bang li civaka navneteweyî kir ku helwestek tund nîşan bide da ku wan birawestîne.
