Şam – SANA
Cîgirê Wezîrê Xwendina Bilind û Lêkolînên Zanistî yê Karûbarên Xwendina Taybet, Mihemed El-Suweyd, piştrast kir ku biryara destnîşankirina asta herî bilind a destheqên demjimêrên pejirandî li zanîngehên taybet ku Encumena Xwendina Bilind vê dawîyê derxistiye, piştî lêkolîneke hûr ji rastîya qestan re hatiye, her wiha şert û mercên jîyanî yên xwendekaran û pêdivîyên zanîngehan yên xebitandinê, bi taybetî beşên ku pêdivî bi amûr, ezmûngeh û lêçûneke bilind hene, berçav girtine.
Çavdêrîya rism û mîraneyan û girtina rêkaran derheqê binpêkeran de
El-Suweyd di daxuyanîyekê de, duh Sêşemê, ji SANAyê re dîyar kir ku Encumena Xwendina Bilind di girtina biryarê de xwe spartiye pîvanên zelal, da ku wê yekê misoger bike ku rism û mîrane di nav sînorên maqûl de bin, bi rengekî ku hevsengîyekê di navbera karîna xwendekaran ya peredayînê û berdewamîya proseya perwerdeyê de li zanîngehên taybet durist bike.
El-Suweyd li axiftina xwe zêde kir û got: Wezaret dê bi hûrkarî pabendbûna zanîngehên taybet bi sînorên herî bilind ên destheqan bişopîne. Wezaret dê wan neçar bike ku mîraneyên pejirandî li ser malperên xwe yên fermî biweşînin û ji bo pişkinînê, wan ji Wezaretê re bişînin.
Her wiha El-Suweyd piştrast kir ku her zanîngeha binpêker dê were darizandin û dê were neçarkirin ku yekser vegere mîraneyên pejirandî, û tekez kir ku ji bo misogerkirina wê çendê ku sînorên destnîşankirî neyên derbaskirin, rêkarên çavdêrîyê berdewam in.
