Şam-SANA
Wezareta Perwerde û Fêrkirinê, piştrast kir ku peymanên xebatkarên wê piştî bidawîbûna maweya wan, rastî rêkarên rêxistinî yên nû hatine. Her wiha zelal kir ku mijar ne li ser bidawîanîna xizmeta xebatkarên ku li ser mîlakê wezaretê ye, belkî li ser jinûve lêkolînkirina peymanan û nûkirina wan e li gorî merc û pîvanên ku armanca wan rastkirina rêçê û çareserkirina binpêkirinên berê ye.
Rêveberê Geşepêdana Kargerî li Wezareta Perwerdehîyê Ebdilkerîm El-Qadirî, di daxuyanîyekê de ku li ser kanala wê ya Telegramê îro Înê hat weşandin, dîyar kir ku 32 hezar û 545 daxwazname ji bo nûkirina peymanan hatine wergirtin, û 31 hezar û 800 peyman hatine nûkirin piştî ku xwedîyên wan mercên pêwîst pêk anîne. Di heman demê de, hinek peyman nehatin nûkirin ji ber ku asta xwendinê ne li gorî taybetmendîyên pêwîst bû.
Wezaretê dîyar kir ku rêkarên nû birêkxistina rewşa veguhastinê jî li xwe girtine; ku xebatkarên ku hatibûne veguhastin, li cihên xwe yên peymana bingehîn hatin vegerandin piştî dîtina zêdebûnê li hinek cihên nû yên lê, bi awayekî ku hevsengîyê di dabeşkirina kadroyan de li gorî hewcedarîya rastîn pêk bîne.
Wezaretê li dawîyê jî piştrast kir ku sazkirina her peymandarekî dê tenê bi biryarnameyeke serokatîyê yan li gorî bendên qanûna nû ya xizmeta sivîl pêk were, her wiha bal kişand ser berdewamîya cîbicîkirina planên perwerdeyê ku armanca wan bilindkirina şîyana mamosteyan û pêşxistina performansa wan di qonaxên cuda cuda yên perwerdeyê de ye.
