Şam-SANA
Wezareta Perwerde û Hînkirinê biryarnameyek derxist, tê de hatiye ku hemû xwendekarên ku qeyda wan hatiye jêbirin, û yên ku wek tê xwestin dewam nekirine, di nava panzdeh rojan de ji destpêka werzê duyem ê sala xwendinê ya 2025-2026an, dikarin xwe qeyd bikin.
Biryarnameyê destnîşan kir ku mercê wê ew e ku malbata xwendekar daxwaznameya vegerê ligel belgeyên sedema dûrkrtina ji xwendinê pêşkêş bike. Ev belge dê ji hêla rêvebirê dibistanê ve werin nirxandin. Her wiha biryarê dîyar kir ku wê encamên nîvsala duyem tenê wekî pîvana serkeftin an binketina xwendekar bêne pejirandin, da ku nirxandina wî li gorî asta wî ya rastîn be, û ji ber sedemên neçar ji mafê xwe yê xwendinê bêpar nemîne.
Wezîrê Perwerde û Hînkirinê Mihemed Ebdulrehman Tirko, tekez kir ku armanca vê biryarê parastina mafê xwendekaran yê perwerdeyê û pêkanîna dadperwerî û wekhevîya derfetan e, bi taybetî di qonaxa lîseyê de. Tirko dîyar kir ku Wezaret hevsengîyê dixe navbera pabendîya bi qanûnan û pîvanên mirovî de, û xebata xwe ya ji bo pêşxistina pêvajoya perwerdeyê û avakirina mirov, wek pêşîneyeke netewî berdewam dike.
