Şam – SANA
Zanîngeha Şamê daxwaz ji endamên Desteya Hînkirinê yên fakulteyên xwe yên cuda cuda, şax û peymangehên xwe yên bilind kir ku yên di dema rejîma têkçûyî de ji ber sedemên şoreşgerî yan ewlekarîyê ji kar hatine derxistin, li zanîngehê serdana Beşê Desteya Hînkirinê ya li Rêveberîya Geşepêdana Îdarî bikin da tedbîrên pêwîst ji bo vegera xwe temam bikin.
Zanîngehê di daxuyanîyekê de ku li ser rûpela xwe ya Facebookê weşandibû, da xuyakirin ku ev tedbîr li gorî rênimayên Sekreterîya Giştî ya Serokatîya Komarê ye yên ku di yekê mijdara 2025an de derketibûn, her weha li gor nameya Wezareta Xwendina Bilind û Lêkolînên Zanistî ya di vê çarçoveyê de ye.
Zanîngeha Şamê, di hezîrana borî de, bang li hemî karmendên ku ji ber beşdarîya xwe ya di şoreşa Sûrîyê de ji kar hatine derxistin û yên ku li ser malpera Wezareta Xwendina Bilind û Lêkolînên Zanistî qeydkirî ne kiribû ku serdana Rêveberîya Geşepêdana Îdarî li Zanîngehê bikin.
