Şam-SANA
Beşdarên di çalakîyên Pêşangeh û Konferansa Navneteweyî ya Sektorên Çandinî, Xurek û Pîşesazîyê de girîngîya wê di xurtkirina hevkarîya di navbera kompanyên navxweyî û Erebî de, nasandina berhem û xizmetguzarîyên çandinîyê, her wiha vekirina asoyên nû ji bo veberhênanê û pevguhertina ezmûnan piştrast kirin, bi awayekî ku beşdarîyê di pêşxistina sektora çandinîyê û piştgirîya hilberînê de bike.
Pêşxistina Berhemên Çandinîyê
Nûnera yek ji şirketên Sûrî yên taybetmend di warê riwekan de li Holandeyê, Xeyda Xenam, di daxuyanîyekê de îro Sêşemê ji bo SANAyê dîyar kir ku beşdarîya şirketê di pêşangehê de ji bo nasandina lêkolînên ku ji bo avakirina cureyên nû yên riwekan encam dide û xurtkirina amadebûna xwe di bazara Sûrîyê de tê.
Xenam her wiha destnîşan kir ku şirketê dest bi pêşxistina beşa hilberîna xwe kiriye û hewl dide di qonaxa bê de çalakîyên xwe berfireh bike.
Nasandina Bazara Sûrîyê
Ji alîyê xwe ve, nûnerê şirketeke Urdinî ya taybetmend di axa volkanî de, Edil Hemdan, tekez kir ku beşdarîya di pêşangehê de derfeteke girîng pêk anî ji bo nasîna şirketên ku di vî warî di bazara Sûrîyê de dixebitin û agahdarbûna li ser pêdivîyên cotkaran. Her wiha xurtkirina têkilîya rasterast bi alîyên cuda cuda yên têkildarî sektora çandinîyê re.
Hemdan pê de çû û dîyar kir ku hevdîtinên bi şirketên navxweyî re ji bo fêmkirina xwezaya bazara Sûrîyê û derfetên hevkarîya paşerojê, bûn alîkar.
Pakkirina Avê
Ji hêla xwe ve, nûnerê şirketeke Qeterî ya taybetmend di îstgehên pakkirina avê de, Mihemed Elî El-Tirkawî, piştrast kir ku beşdarîya şirketê di pêşangehê de di çarçoveya arasteya wê ya ji bo xurtkirina amadebûna xwe di bazara Sûrîyê de tê.
El-Tirkawî li dawîyê jî bal kişand ser wê yekê ku şirketê dest bi gavên xwe yên veberhênanê li Sûrîyê kiriye û kargehek li devera Edrayê li Gundewarê Şamê ava kiriye.
