Şam – SANA
Rêveberê Sindoqa Geşepêdanê ya Sûrî Sefwet Rislan, ligel Michael Ohnmacht ji şandeya Yekîtîya Ewropayê, îro Çarşemê li Şamê, rêyên xurtkirina hevkarîyê di warên pêşxistina aborî, geşepêdana domdar û berhemanîna çandinîyê de li Sûrîyê gotûbêj kirin.
Di civînê de geşepêdana enerjîya gundewarî û piştgirîya kesên vegerayî bi hevahengîya ligel Rêxistina Kar a Navdewletî hatin gotûbêjkirin. Her wiha kêşeyên vekirina hesabên bankî li Ewropayê û hêsankirina bexşînên revenda li derve hatin nirxandin. Rislan tekezî li ser pabendbûna bi çavdêrîya giştî kir ji bo misogerkirina şefafîyeta projeyan.
Ev hevdîtin piştî destpêkirina sindoqê di 4ê Îlonê de tê, bi armanca xurtkirina hevbeşîyan û berfirehkirina fînansekirinê. Ohnmacht ev serdan wekî naskirina hewldanên sindoqê bi nav kir û girîngîya hevahengîya sazîyan ji bo sûdwergirtin ji derfetên geşepêdanê yên berdest tekez kir.
