Şam – SANA
Wezîrê Darayî yê Sûrîyê Mihemed Yusir Bernîyê, îro Çarşemê, ligel Şandeyeke ji Peymangeha Geşepêdana Cîhanî (ODI Global), xurtkirina hevkarîya teknîkî ji bo yekkirina metirsîyên guherîna avhewayê di nav biryarên aborî, darayî, veberhênanê û sîyaseta darayî ya li Sûrîyê de, gotûbêj kir.
Bernîyê tekezî li ser karkirina li ser stratejîyeke darayî ya berfireh, avakirina yekîneyeke fînansekirina avhewayê, û amadekarîya ji bo komxebatekê derbarê pîvanên (ESG) û bazarên bawernameyên karbonê de kir; her wiha pesnê hewldanên Wezareta Rêveberîya Xwecihî û Jîngehê di warê hişmendî û avakirina şîyanan de da.
Piştî civîna alîkarê wezîrê enerjîyê Îbrahîm El-′Edhan ligel heman şandeyê roja Sêşema borî, amadekarî ji bo komxebateke niştimanî di hefteya bê de tên kirin. Ev yek di çarçoveya hewldanên Peymangeha (ODI Global) ya Brîtanî de tê ji bo pêşkêşkirina şîretan derbarê fînansekirina avhewayê û aborîya kesk ji bo piştgirîkirina biryarderan di asta navdewletî de.
