Şam-SANA
Wezîrê Darayî Mihemed Yusir Bernîyê dîyar kir ku her du mersûmên (69 û 70) ên sala 2026an, piştgirîya sazîyên zîyandîtî û çareserkirina deynên wan ên sekinî dikin armanc. Ev yek bi rêya teşvîq û efûkirina bacan pêk tê, ku alîkarîya xwedîyên wan dike da ku çalakîyên xwe yên aborî bidomînin û derfetên kar ên nû dabîn bikin.
Mersûma 69an mekanîzmayên nirxandina zîyanan û dayîna efûkirinan ji bo zîyandîtîyan dîyar dike, di heman demê de mersûma 70an deynên sekinî bi rêya rakirina faîzên wan çareser dike. Her wiha wezîr Bernîyê tekez kir ku kesên gendel û endamên rejîma berê dê ji van hêsankirinan bêpar bimînin da ku rê li ber bikaranîna wan a xerab were girtin.
Armanca van gavan piştgirîkirina bi deh hezaran kesan e bi rêya bidawîkirina şopandinên dadwerî û rakirina destdanîna li ser milkên wan. Ev yek têkoşîna li dijî xizanîyê xurt dike û kesên deyndar û çîna navîn di aborîyê de entegre dike, hevdem ligel amadekarîyên ji bo derxistina rênimayên cîbicîkirinê.
