Hema-SANA
Şaxê Desteya Navendî ya Çavdêrî û Pişkinînê li parêzgeha Hemayê, eşkere kir ku kêmasîyeke diravî di hundirê şaxê Banka Çandinîyê ya Hevkar de, ku gihîştiye zêdetirî 328 mîlyon lîreyên sûrî yên kevn li bajarê Selhebê heye. Ev yek jî piştî pişkinîna belgeyên bankê, hesabên wê yên cerdê û daneyên darayî yên di nav wan de, pêk hat.
Desteyê bi rêya kanala xwe ya Telegramê îro Sêşemê dîyar kir ku lêpirsînan nîşan da ku dizî bi rêya lîstina bi hesaban di navbera nirxê cerdê yê li ser kompûteran hatiye tomarkirin û nirxê rastîn ê diravî de pêk hatine.
Ev yek bi lihevkirina di navbera rêveberê bankê û emîndarê sindoqê de bi rêya bikaranîna rêbazên fêlbazîyê û bikaranîna wezîfeyê pêk hatiye, ku cerda darayî bi awayekî şiklî belge kirine, ew jî bi rêya jimartina kîsên pereyan ji derve ve bêyî pişkinîna ji hundir ve, ligel guhertina nirxên hejmarî yên kategorîyên diravî yên ku li ser kîsan hatine danîn.
Her wiha lêpirsînan dîyar kir ku du xebatkarên din jî beşdarî proseyê bûne bêyî tevlêbûna rastexwe, belkû wekî encama xemsarîyeke kar bûye.
Desteya Navendî destnîşan kir ku di dema lêpirsînê de dîyar jî bû ku hinek pere li derveyî sindoqê hene ku nayên belgekirin yan jî nakevin nav qeydên fermî, belkû di navbera rêveberê şaxê bankê û emîndarê sindoqê de tên dabeşkirin.
Nirxê giştî yê tibabên ku hatine dizîn gihîşt /328.338.940/ lîreyên Sûrîyê yên kevn, ango “sêsed û bîst û heşt mîlyon û sêsed û sî û heşt hezar û nehsed û çil lîreyên Sûrîyê yên kevn”.
Desteya Navendî bal kişand ser wê yekê ku ji ber vê yekê, wê komek tedbîrên qanûnî girtin, ku di nav wan de derkirina rêveberê şaxê bankê û emîndarê sindoqê ji kar. Her wisa ji Wezareta Darayî daxwaz kir ku dest deyne ser mal û milkên guhêzbar û neguhêzbar ên kesên ku destê wan tê de heye, ligel qedexekirina geşta wan û veguhastina wan bo dadwerîyê. Derbarê her du xebatkarên din jî, ew bi tohmeta xemsarîya kar û hêsankirina proseya dizîyê bo dadwerîyê hatin veguhastin.
Desteya Navendî dîyar kir ku bang li Rêveberê Giştî yê Bankan hatiye kirin ku dozekê bi şêwazê doza kesane veke ji bo daxwaza qerebûkirina zirarên madî û manewî yên ku gihîştine bankê.
Desteyê tekez kir ku ev pêngav di çarçoveya şopandina karê alîyên giştî, têkoşîna li dijî gendelîyê û parastina malê giştî de tên.
