Cakarta-SANA
Hevdîtin û gotûbêjên dualî yên rayadarên dewleta Sûrîyê him li nava welêt û him jî li derveyî welêt bê navber berdewam dikin. Hat ragihandin di çarçoveya Lûtkeya “Chandi 2025″an de ku li girava Balî ya Endonezyayê hate lidarxistin, Wezîrê Çandê yê Sûrîyê Muhemmed Yasîn El-Saleh bi hevkarên xwe, Wezîrên Çandê yên Filistîn, Lîbya û Endonezyayê re hevdîtinên dualî pêk anîn.
Hevdîtina ewilî bi Wezîrê Çandê yê Filistînê re pêk hat. Li gorî agahiyên ku hatine bidestxistin Wezîr El-Saleh di hevdîtina xwe ya ku bi Wezîrê Çandê yê Filistînê Îmad Hemdan re kir de, li ser rêbazên belgekirina mîrata hevpar û aktîvkirina hilberîna şanoyê wekî pirek mirovî ku dîyasporaya Sûrî û Filistînî di taybetmendî û hevgirêdanên wan de belge dike, nîqaş kir. Hat hînbûn Balyozê Filistînê yê li Endonezyayê Zuhîr El-Şan jî di vê hevdîtinê de amade bû. Di hevdîtina du alî de Wezîr El-Saleh her wiha li ser organîzekirina bernameyên perwerdehiyê yên taybetî û performansên çandî yên hevbeş gotûbêjan kir.
Wezîr El-Saleh hevdîtina xwe ya duyem jî bi Wezîrê Çand û Pêşxistina Zanînê yê Lîbyayê Mebrûka Toghî re, bi amadebûna Balyozê Lîbyayê yê li Endonezyayê Zekeriya El-Mexribî re kir. Di vê hevdîtinê de jî li ser derfet û îmkanên hevkariya çandî ya di navbera Şam û Trablûsê de hatin nîqaşkirin û girîngiya çandê ya di xurtkirina têkiliyên di navbera her du gelan de û piştgiriya hewildanên ji bo bidestxistina hevgirtina civakî û pêşkeftina berdewam hatin nirxandin.
El-Saleh di heman hevdîtina xwe de spasiya xwe ji bo hevgirtina ku gelê Lîbyayê di salên şoreşê de bi gelê Sûriyeyê re nîşan daye anî ziman. Wezîr Tugî jî di hevdîtinê de li ser tabiîbûna taybetî ya têkiliya di navbera her du welatan de û pêwîstiya berdewamiya hevkariyê de nirxandinên balkêş kir ku ev yek rê û çarenûsa wan a hevpar nîşan dide.
Wezîr El-Saleh di bergeha hevdîtinên xwe de her wiha bi Wezîrê Çandê yê Endonezyayê Fadlî Zon re jî hevdîtinek kir. Wezîr El-Saleh di hevdîtinê de li ser perspektîfên hevkariya çandî ya di navbera her du welatan de nîqaş kir û Balan kişand li ser girîngiya rola çandê ya ku her ku diçe zêde dibe wekî stûnek pêşkeftina domdar û parastina mîrata maddî û nemaddî û got ku ev yek amûreke bi bandor e ji bo têgihîştinê di ronahiya pirsgirêkên cîhanî yên heyî de.
Wezîr El-Saleh derbarê tecrûbeya Endonezyayê ya di parastina pirrengiya çandî, olî û zimanî de anî zimên û pesnê vê yekê bi gotina modelek îlhambexş anî zimên. Di heman hevdîtinê de hevkarê wî yê Endonezyayî jî îfade kir ku şaristaniya Sûriyeyê referansek çandî û mirovî temsîl dike ku şiyana gelan ji bo nûjeniyê û derbaskirina pirsgirêkan nîşan dide.
Beşdarbûna dewleta Sûriyeyê di lûtkeyê de dikeve nav vîzyona Wezaretê ku çandê bike pirek bi bandor û tesîr ji bo dîplomasiyê û avakirina piran di navbera gelan de. Her wilo ev beşdarî ji bo entegrasyona Ereb û Îslamî, piştgirek ew ji bo pêvajoya aştiyê û pêşkeftina domdar, û piştrastkirinek ew ku çand zimanek hevpar ji bo gelan û amûrek ew ji bo şekildana pêşerojek dadmendtir û mirovîtir.
