Mosko-SANA
Şandeyeke Wezareta Navxweyî ya Sûrîyê, beşdarî konferansekê bi navê “Ewlehî û Selametîya Tekûz” bû. Ev beşdarî di çarçoveya pêşangeha Expo de bû ku li bajarê Qazanê yê Rûsyayê hat lidarxistin. Konferans bi hevrîzî û hevkarîya ligel Zanîngeha Nayif a Erebî ji bo Zanistên Ewlehîyê hat birêvebirin. Di konferansê de hejmarek pispor û kesên şareza di warên perwerdekirina yekîneyên agirvemirandin û rizgarkirinê, rêveberîya kesên xwedan şîyan û tîmên xwebeşkar de, û nûnerên sazîyên hikûmetê yên Rûsî yên ku girîngîyê didin parastina sivîl û rêvebirina karesatan, beşdar bûbûn.
Wezareta Navxweyî, îro Sêşemê, dîyar kir ku şande bi serokatîya Fermanderê Ewlehîya Badîyeyê Emîd Sufyan El-Şêx Salih bû, her wiha Serokê Rêveberîya Ewlehîya Sazîyên Jînewerî Eqîd Salih Danî û hejmarek efserên wezaretê di nav Şandeyê de bûn. Ev beşdarî di çarçoveya xurtkirina hevkarîya navdewletî û pevguhertina ezmûnan di warên rêveberîya qeyranan, ewlehîya binesazîya sazîyên jînewerî, û agahdarbûna ji nêz ve li ser teknolojî û karên herî nûjen yên ji bo rûbirûbûna rewşên awarte û parastina jîngehê û sazîyên aborî, hat kirin.
Her wiha li kêleka vê beşdarîyê, civîn di navbera şandeya Sûrîyê û hejmarek kesayetên fermî yên Rûsî de pêk hat.
Ev serdan di çarçoveya xemxurîya Wezareta Navxweyî de tê; ji bo pêşxistina şîyanên kadroyên xwe, da ku hevgav bin ligel geşedanên di warê parastina sazîyên jînewerî de, û xurtkirina hevkarîya zanistî û dezgehî bi awayekî ku beşdarîyê di piştgirîya pergala ewlehî û parastina qanûnê de bike.
