Semerqend-SANA
Şandeke Wezareta Rêveberîya Xwecihî û Jîngehê ya Sûrîyê, hevdîtin bi Navenda Navneteweyî ya Lêkolînên Çandinîyê li Herêmên Ziwa (ICARDA), Rêxistina Xurek û Çandinîyê (FAO) û Yekîtîya Navneteweyî ya Parastina Xwezayê (IUCN)ê re pêk anîn. Ev hevdîtin li kêleka karên Komeleya Giştî ya 8emîn a Sazîya Jîngehê ya Cîhanî (GEF) li bajarê Semerqendê yê Ozbekistanê hatin lidarxistin.
Wezareta Rêveberîya Xwecihî û Jîngehê di kanala xwe ya Telegramê de, îro Yekşemê, dîyar kir ku di van hevdîtinan de piştgirîya projeyên xwedî pêşengî di warên avhewa, jîngeh, cihêrengîya bîyolojîk û nûjenkirina zevîyan li Sûrîyê hatin gotûbêjkirin.
