Waşingtonê–SANA
Balyozxaneya Komara Erebî ya Sûrîyê li Amerîkayê bi tundî êrîşa terorîstî ya ku pêr Duşemê navenda Îslamî li bajarê San Diego li eyaleta Calîfornîa armanc kiribû, şermezar kir. Di êrîş de sê kes hatin kuştin di nav wan de pasvanekî ewlehîyê, û gelek kes birîndar bûn, di nav de jî hin welatîyên Sûrîyê.
Balyozxanê di daxuyanîya xwe de tekez kir ku ev êrîş binpêkirineke aşkere ya mafên mirovan e, zirarê digihîne azadîyên olî û nirxên pêkvejîyanê, û ewlehî û aramîya civakan rasterast dixe metirsîyê de. Her wiha sersaxî ji malbatên qurbanîyan re, hikûmet û gelê Amerîkayê re, û rehetbûneke lezgîn ji birîndaran re xwest. Di heman demê banga xwe ji bo dûrketina ji nijadperestî û kînê û xurtkirina nirxên lêborînê nû kir.
Di dawîya daxuyanîya xwe de, balyozxaneya Sûrîyê erkên rayedarên Amerîkayê di şopandina êrîşkeran û bicîhanîna qanûnê de ji bo pêkanîna dadwerîyê nirxand. Ji hêla xwe ve polîsên Amerîkayê paşê ragihand ku laşên her du gumanbarên ku êrîş pêk anîne di hindirê otomobîla wan de hatine dîtin, û dibe ku xwe kuştibin.
