Şam-SANA
Wezîrê Çandinîyê Emced Bedir bi Serokê Odeya Bazirganîyê ya Urdunê Xelîl El-Hac Tewfîq û şandeya pê re, rêyên xurtkirina hevkarî û veberhênanê di qada çandinîyê di navbera her du welatan de gotûbêj kirin. Ev hevdîtin bi amadebûna Balyozê Urdunê li Şamê Sufyan El-Qudat pêk hat.
Wezîr Bedir di dema hevdîtina ku îro Yekşemê li avahîya wezaretê li Şamê hat lidarxistin tekez kir ku Sûrîye xwedî embareke çandinîyê ya stratejîk û pirrengîyeke jîngehî ya berfireh e ku rê dide hilberîna pircur; her wiha bal kişand ser hebûna pisporîyê, axên berdar û berhemên bi kalîteya bilind.
Ji alîyê xwe ve, El-Hac Tewfîq tekezî li ser girîngîya berfirehkirina hevkarîya di navbera sektora taybet de li her du welatan kir, û banga lidarxistina civînên peryodîk, avakirina encumeneke hevpar û sûdgirtina ji ezmûnên Sûrîyê, bi taybetî di warê pîşesazîya xwarinê de kir.
