Enqere – SANA
Wezîrê Bazirganîyê yê Tirkîyê Umer Bolat îro Sêşemê tekez kir ku Tirkîye bi biryar e kanalên dîplomasîya bazirganî geş bike û derfetên hevkarîya pîşesazî ya di navbera Tirkîye û Sûrîyê de lêkolîn bike.
Wezîrê Bazirganîyê yê Tirkîyê “Bolat” li Istenbolê ligel hevpîşeyê xwe yê Sûrî “Nîdal El-Şear” rêyên pêşxistina peywendîyên bazirganî û pîşesazî û nûjenkirina rêkarên gumrikê gotûbêj kirin. Bolat her wiha tekez kir ku welatê wî pabendî xurtkirina peywendîyên aborî yên ligel welatên cîran e, ji bo piştgirîya geşepêdan û arambûna herêmî.
Şandeke aborî ya Sûrî bi serokatîya wezîr “Nîdal El-Şear” gihîşt Istenbolê ji bo beşdarîya di civîna yekem a Komîsyona Aborî û Bazirganî ya Hevbeş a Sûrî-Tirkî (JETCO) de, bi armanca xurtkirina hevkarîya aborî ya dualî.
