Doha–SANA
Hevjîna rêzdar Serok Ehmed El-Şeriʼ, Xanim Letîfe El-Dirûbî, di çarçoveya çalakîyên Lûtkeya Cîhanî ya Nûjenîya Perwerdehîyê (WISE 12) li Dohayê de, beşdarî rûniştineke dîyalogê ya bi sernavê “Rewşa Perwerdeyê li Nav Derfetên Aborî û Xweragirîya Civakê” bû. Hejmarek wezîr, nûnerên wezaretên perwerdeyê, çêkerên sîyasetan û pisporên rêxistinên navneteweyî di rûniştinê de beşdar bûn.
Di rûniştinê de, Xanim El-Dirûbî behsa rewşa sektora perwerdeyê li Sûrîyê di salên şer de kir, bal kişand ser armanckirina dibistanan û paşketina binesazîyê û kêmbûna kadroyên hînkirinê. Wê tekez kir ku Sûrîye ketiye qonaxeke perwerdeyê ya nû, ya li ser bingeha jinûveavakirin û çaksazkirina berfireh, nûjenkirina dibistanan, pêşxistina rêbazên xwendinê, xurtkirina hînkirina pîşeyî û berfirehkirina bernameyên fêrkirina ji dûr ve, ava dibe.
Her wiha nerîna xwe ya derbarê rola ciwanên Sûrî di pêşeroja welêt de anî ziman, û tekez kir ku veberhênana di warê zanînê de û pêşxistina kesên afirîner, rêya geşepêdana Sûrîyê ye, û dema ku vîyana mirov bi hînbûnê re dibe yek, ew mirov kare derfetan ji astengîyan biafirîne û paşerojeke geş ji welatê xwe re ava bike.
Bi beşdarîya Xanim Letîfe El-Dirûbî, duh li Dohaya paytexta Qeterê, Lûtkeya Cîhanî ya Nûjenîya Perwerdeyê (WISE 12), di bin sernavê “Mirov Berî Her Tiştî ye: Nirxên Mirovî Dilê Sîstema Perwerdeyê ye” dest pê kir. Gelek kesayetên navneteweyî yên navdar beşdarî lûtkeyê bûn, di serî de Seroka Komîteya Rêvebir a Dezgeha Qeterê ya Perwerde, Zanist û Pêşxistina Civakê, Şêxa Moza bint Nasir.
Lûtkeya ku îro bi dawî dibe, giringîyê dide pênc xalên sereke:
• Mirov berî her tiştî ye di pêvajoya perwerdeyê ya guherbar de.
• Pêkanîna nêrîna hînkirina ku her dem pêş dikeve di rêya nûjenîyê re.
• Vedîtina şoreşa șarezayîyê di zanîngehan de û hînbûna hetahetayê.
• Berê sîstemên perwerdeyê yên pir-sektorî bidin armanca pêkanîna guhertinên yekcarî.
• Xurtkirina perwerdeyê da bibe derîyekî derfetên aborî û xweragirîya civakî.
