Madrîd-SANA
Her sê êrîşkarên navdar (MSN) ku ji Lionel Messi yê Arjantînî, Luis Suarez ê Urugwayî û Neymar ê Brazîlî pêk tên, wê dîsa vegerin meydanê, ligel zêdebûna texmînan derbarê veguhastina Neymar bo yaneya Inter Miami ya Amerîkî di destpêka sala bê de.
Rojnameya Îspanî “Marca” dîyar kir ku yaneya Amerîkî ji sala borî ve hewl dide Neymar tevlî rêzên xwe bike, ji ber rola wî ya girîng di warê werzişî û bazarkirinê de, û da ku dîdara xwe bi hevalên xwe yên kevn re yên ku Barcelonayê ber bi destxistina Xula Qehremanên Ewropayê ya sala 2015an ve birin, nû bike.
Neymar 34 salî ye û bi yaneya xwe ya niha Santos re di qonaxeke ne-biryardar de dijî, ku girêbesta wî bi yaneyê re di 31ê Kanûna Pêşîn a 2026an bi dawî dibe.
Ev pêşhate piştî ku lîstikvan bi fermî xwekişandina xwe ji lîstikvanîya navdewletî ragihand, bi derketina Brazîlê ji qunaxa 16an a Mondîyala 2026an li hemberî Norwêcê, hatin.
Di vê çarçoveyê de, bavê lîstikvan ji Ajansa Nûçeyan a Fransî re piştrast kir ku kurê wî wê di lîstina futbolê de berdewam be.
