Waşington-SANA
Sepana WhatsAppê, ya ku xwedîyê wê kompanîya Metayê ye, taybetmendîyeke nû li Ewropayê da destpêkirin. Ev taybetmendî destûrê dide bikarhêneran ku peyaman ji bikarhênerên sepanên din re bişînin û wergirin. Ev pêngav bi armanca xurtkirina têkilîya navbera platformên cuda cuda û cîbicîkirina Qanûna Bazarên Dîjîtal a Ewropî tê.
Li gorî blogeke kompanîya Metayê, navê taybetmendîyê “Danûstandinên Alîyê Sêyem” (Third-Party Chats) e. Ew dikare di mîhengên hesabê (account settings) de di nav sepanê de were çalakkirin.
Xizmet niha tenê piştgirîya sepana BirdyChat dike, û tê payîn ku di pêşerojê de sepanên din jî werin zêdekirin piştî ku pîvanên ewlehî û şîfrekirinê yên ku ji alîyê WhatsAppê ve hatine pejirandin bi cih bînin.
Taybetmendîya nû rê dide danûstandina nivîs, wêne, vîdyo û belgeyan, digel parastina şîfrekirina danûstandinan. Lê belê, hinek taybetmendî, wekî stîker (stickers) û peyamên ku bi xwe winda dibin (self-destructing messages), hîn di nav danûstandinên navbera platforman de ne pêkan e.
Kompanîya Metayê tekez kir ku nepenîtî (privacy) dê wekî pêşîneke bingehîn bimîne. Her wiha destnîşan kir ku nûkirin ji bo bikarhênerên iOS û Androidê li Ewropayê heye, û planên pêşerojê yên piştgirîkirina danûstandinên koman (group chats) yên di navbera sîstemên cuda de jî hene.
TAGGED: Ewropa, Kompanîya Metayê, WhatsApp
