Tokyo-SANA
Lêkolîneke zanistî ya nû ku ji alîyê lêkolînerên Zanîngeha Kyotoyê ve bi hevkarîya hejmarek sazîyên bijîşkî li Japonyayê hatiye kirin, nîşan da ku şûştina çavan a rojane dibe ku rasterast beşdarî sivikkirina nîşanên hesasîyeta demsalî bibe ku xurîn, sorbûn û zêdebûna hêstiran jî li xwe digire.
Kovara Brîtanî “Scientific Reports” a pispor di weşandina lêkolînên zanistî yên pir-warî de, dîyar kir ku lêkolîn pişta xwe daye daneyên 476 bikarhênerên sepana tenduristîyê ya Japonî “AllerSearch” a pispor di şopandina nîşanên hesasîyetê de. Di nav wan de nêzîkî 70 kes hebûn ku şûştina çavan wekî rêkareke parastinê dikirin adet. Encamên lêkolînê piştrast kir ku beşdaran nîşanên siviktir dîtin bêyî ku bi acizîyê bihesin, ligel tomarkirina başbûneke berbiçav di rewşa wan a tenduristîyê ya giştî de.
Lêkolînê amaje bi wê yekê kir ku ev kiryar nebûye sedema zêdebûna ziwabûna çav, ku ev yek ewlehîya wê wekî rêkareke rojane ya alîkar xurt dike. Derbarê bikaranîna şûştina çavan wekî rêkareke sivik ji bo sivikkirina kulbûna hesasîyeta çav, encam piştgirîya pêşnîyarên berê yên bijîşkên çavan li Japonyayê dikin.
Tê zanîn ku lêkolînê bi hûrgilî hejmara carên şûştina çavan an rêbazên bikaranînê dîyar nekirine, lê belê wan tekez kir ku ev adet şûna dermankirina bijîşkî nagire, lê ew rêkareke hêsan û ewle ye ji bo rihetîyê di demsalên hesasîyetê de.
