Pekîn-SANA
Hat ragihandin di encama xebatên li hatin kirin de li Çînê bermahiyên çûkekî ku aîdî berî vê 172 salan e hat dîtin ku ev çûk li cîhanê çûkê herî kevin ev.
Li gorî agahiyên ku ji Rojnameya Spanî “Al-Cronusta” hatine wergirtin, tîmek paleontologan li Çînê ragihand ku li parêzgeha “Fujianê” bermayiyên çûkê herî kevin ê cîhanê, ku dîroka wê ji 172 milyon salan zêdetir e, hat keşifkirin.
Li gorî lêkolînerên ku vê xebatê kirine, ev keşf destkeftiyek bê mîsal e ku dê zanîna li ser dîroka pêşketina çûkan ji nû ve şekil bide. Zanyaran cureyek nû, bi navê “Paminornis chengensis”, nas kirine, ku xwedî taybetmendiyên bêhempa ye ku wê ji bo dema xwe ya di Serdema “Jurasîk” de pêşketî kiriye.
Ji teref Enstîtuya Paleontolojî û Paleoantropolojiya Vertebratoran li Çînê ve , belgeyeke ku vê keşfê belge dike hat weşandin. Di belgeya ku hat weşandin de tê rave kirin ku îskeleta çûkê tevî hestiyê windabûyî di rewşek hema hema temam de hatiye dîtin, û bermayiyên ku hatine keşifkirin têrê dikin ku piştrast bikin ku ew “çûkek rastîn” e û ne tenê dînozorek perr e.
Li gorî agahiyên ku hatine bidestxistin çûka ku hatiye keşifkirin xwedî dûvikek kurt e ku xwedî hestiyek taybetî ye ku tevgera perrê ya hevrêzkirî dihêle, adaptasyonek girîng ji bo firînê ku berê tenê di çûkên nûtir de dihat zanîn.
Tê diyarkirin ev keşf ji “Archaeopteryx”a navdar girîngtir e, ku berê 150 mîlyon sal berê wekî çûka yekem dihat hesibandin. Li gorî lêkolîneran, Paminornis delîlên zelaltir peyda dike ku çûkên kevnar 172 mîlyon sal berê dikarin bifirin, ne ku tenê wekî ku berê dihat fikirîn bifirin.
