Nîkosya – SANA
Serok Ehmed El-Şeri’ di civîneke çapemenîyê de piştî lûtkeya serokên Yekîtîya Ewropayê û hevparên herêmî li Nîkosyaya paytexta Qubrusê:
Ewlehîya parzemîna Ewropayê û herêma me hevsengîyeke jîyosîyasî ya parçenabihûr nîşan dide, û li ser me ferz dike ku em bi ruhê hevparîyê kar bikin.
Ez Yekîtîya Ewropayê datînim li hember berpirsyarîyên wê li dijî binpêkirinên Îsraîlê li ser axa Sûrîyê. Ev êrîş aramî, ewlehî û hewldanên jinûveavakirina li Sûrîyê dikin armanc.
Ewropa hewcedarî bi Sûrîyê heye bi qasî ku Sûrîye hewcedarî bi Ewropayê heye. Hevkarîya Ewropî-Erebî ya Derya Navîn bûye rêyeke mecbûrî û penageheke ewle ji bo berdewamîya herikîna enerjîyê û misogerkirina ewlehîya dabînkirina cîhanî.
Em li pêşberî berpirsyarîyeke dîrokî ne ku ferz dike em stratejîyekê ji dilê herêma xwe biafirînin, di nav wan astengîyên dijwar ên îro de ku bandorê li ewlehîya welatîyên herêmê û civakên wan dikin, û gura aborîya cîhanî dihejînin, ku girtina tengava Hurmizê metirsîyeke mezin pêk tîne.
Pabendîya şirîkên me yên Ewropî bi ewlehî û aramîya Sûrîyê re, hewcedarîya wê bi helwesteke biryardar heye ku Îsraîlê neçar bike ku tavilê êrîşên xwe rawestîne; ji ber ku parastina wê rêça ku îro dest pê kiriye, bi parastina wê axa ku li ser ava dibe, dest pê dike.
Em tekez dikin ku Sûrîya ku qada şerên hinekên din bû, îro bi vîna gel û sazîyên xwe hildibijêre ku bibe pireke ewlehîyê û bingeheke sereke ji bo çareserîyê; lewra cugrafî qedera me ye û hevparî biryara me ye.
Ji vê perspektîfê, em destpêşxerîya Çar Deryan û neh korîdorên wê dixin ber destê hevparên xwe yên li Derya Spî û Kendava Erebî, da ku Sûrîye bibe ew korîdora alternatîf û ewle yê ku Asya Navîn û Kendavê bi dilê parzemîna Ewropayê ve girê dide.
Tiştê ku me îro pêk anîye, destpêka bi bawerî ye ku rê li ber bûyera me ya herî mezin li Brukselê di yazdehê Gulana bê de vedike, ku em ê dîyaloga sîyasî ya Sûrî-Ewropî ya astbilind bidin destpêkirin. Li pêşîya me hivdeh rojên karê dijwar hene ku em ê bi vîneke polayî tê de bimeşin ji bo çespandina rola Sûrîyê wekî hevparê stratejîk, yê ku beşdarîyê di avakirina paşeroja parzemîna Ewropayê û misogerkirina aramîya herêma me de dike.
