New York-SANA
Serokê Komara Erebî ya Sûrîyeyê, Ehmed El-Şara, di xula 80emîn a Komeleya Giştî ya Neteweyên Yekbûyî de li New Yorkê, gotarek pêşkêş kir.
Hin Xalên Gotara Serok El-Şara:
Di şerê xwe yê li dijî gelê me de, rejîma berê amûrên herî hovane yên îşkence û kuştinê, her wekî bermîlên bombekirî, çekên kîmyewî, îşkenceya di girtîgehan de û koçberkirina bizorê, bi kar anî. Wê şerê mezhebî û netewî gur dikirin û madeyên hişber wekî çekekî li dijî gel û cîhanê bi kar anî.
Rejîma berê welatê me parçe parçe kir, navendên wê yên dîrokî yên herî girîng wêran kirin, hêzên bîyanî, çete û milîs ji çar alîyên cîhanê anîn û welatê me yê ciwan dîl girt. Nêzîkî milyonek mirov kuştin, bi sed hezaran îşkence kirin, nêzîkî 14 milyon koçber bûn û du milyon xanî di ser serê xelkên wan de hilweşandin.
Gelê hejar di bêhtirî 200 êrîşên belgekirî de, bi çekên kîmyewî hatin bombebarankirin. Belê, jin, zarok û ciwanên me hilma gazên jehrîn kişandin. Rejîmê ev hemû kir da ku rê li ber dengê rastîyê bigire. Lê dîsa jî, tevî vêqas tawankarîyê, rê li ber hemî çareserîyên sîyasî digirt, tevî ku jê re dihatin pêşnîyazkirin jî.
Tu rê li ber vî gelî nema ji bilî ku xwe bide hev û ji bo rûbirûbûna dîrokî ya mezin di operasyoneke leşkerî ya jinişkî ve amade bibe. Rûbirûbûneke ku pergaleke tawankar a 60salî digel hemû alîgirên wê, hilweşîne. Operasyoneke leşkerî tijî dilovanî, qencî û serdestîya lêborîn lêxweşbûnê bû. Şerekî ku nebû sedema koçberkirina tu mirovî an kuştina sivîlan. Bi serkeftineke bê tolhildan û dijminatîyê bi dawî bû, û tê de gel mafê xwe ji nû ve bi dest xist.
Em di vî şerî de, ji bo kesên bindest, îşkencekirî û koçberên bizorê, ji bo dayikên şehîdan û bêserûşûnan bi ser ketin, belkû em ji bo cîhanê tevî bi ser ketin!
Bi vê serkeftinê, Sûrîye ji welatekî ku krîzan hinarde dike, veguherî derfeteke dîrokî da ku aramî, aştî û serfirazîyê bîne Sûrîyeyê û tevahîya herêmê.
Destkeftîya bêhempa ya Sûrîyeyê û hevgirtina gel a ku pêk hatiye, hin alî han dane ku hewl bidin şerê mezhebî û pevçûnên navxweyî gur bikin, û careke din welat parçe bikin û ji hev bixin. Lê belê, gelê Sûrîyeyê bîrewer bûye ku pêşî li berdewamîya karesatan bigire û Sûrîyeyê vegerîne rewşa wê ya berê.
Dewleta Sûrîyeyê ji bo avakirina komîteyên dûvçûn û lêkolîna rastîyan tev gerîya, û rê da Neteweyên Yekbûyî jî ku dûvçûnê bike. Ev komîte, bi zelalîyeke bêhempa ku pêşîya nuha li Sûrîyeyê ew hêvî nedihat kirin, gihîştin encamên yeksan. Ez soz didim ku ez ê hemû kesên ku destên wan di xwîna kesên bêguneh de heye, radestî dadgehê bikim.
