New York-SANA
Di Çalakîyên Lûtkeya Concordiayê de ku di çarçoveya Karên Komeleya Giştî ya Netewên Yekbûyî li New Yorkê pêk hat de, Hevpeyivîna Serok El-Şara’ bi General David Petraeus re, Rêvebirê berê yê Ajansa Îstixbarata Navendî ya Amerîkayê (CIA). Hûrgilîyên hevpeyivînê jî ev bûn:
Hat ragihandin di nav xalên herî berbiçav ên di vê civînê de hatin raberkirin de ev tişt hatin gotûbêjkirin.
Serok El-Şara’ di bersiva pirsek li ser karîgeriya birêvebirina şerê rizgarkirina Şamê û bidawîkirina desthilatdariya rejîma berê de, destnîşan kir ku hevsengiya hêzê ne tenê bi rêbazên leşkerî, lê bi îrade û plansaziya stratejîk tê pîvandin. Wî her wisa tekez kir ku doza Sûriyeyê bi ferzkirina parastina gelê Sûriyeyê mafek dadmend temsîl dike ku rastî neheqî û kampanyayên kuştina zarokan hatiye, ji bilî bombebarana leşkerî, revandin û şîdeta cinsî ku bûye sedema mirina milyonek kesan. Ji ber vê yekê, ev armanca hêja piştgirîya leşkerî heq dike.
Serok El-Şara’ di berdewama gotûbêjên xwe de nirxandinên xwe wisa domand: “Serkeftin bi saya îradeyek xurt, plansaziyek hûr, perwerdehiya leşkerî û piştgiriya sazî û sivîlên ku di dema şer de beşdarî peydakirina xizmetên bingehîn bûn hat bidestxistin ku ew di demek kurt de û bi lêçûna herî kêm gihîştin Şamê.
Hat ragihandin di heman gotûbêjan de Serok El-Şara’ derbarê muameleya bi sivîlan reya di dema şer de jî îfade kir ku qaîdeyên leşkerî zelal in. Ew jî ev in: Bi dilovanî, mihrîbanî û tehamulê bi mirovan re muamelekirin, di heman demê de kêmkirina qurbaniyên sivîl. Wî her wisa destnîşan kir ku rejîma berê hewl da ku gelê Sûriyeyê li ser bingeha mezhebî û etnîkî parçe bike û rave kir ku niha pêşanîya wê ew e ku ewlehî û aramî were bidestxistin, axa Sûriyeyê yek bibe, belavbûna çekan were sînordarkirin û pêşketina aborî were pêşve xistin.
