Cenevre-SANA
Ji teref Cîgira Komîserê Bilind a Neteweyên Yekbûyî ya ji bo Penaberan Kelly Clements ve hat ragihand ku ji destpêka vê salê ve zêdetirî 200 hezar penaberên Sûrî ji Lubnanê vegeriyan Sûrîyê.
Piştî hilweşîna rejîma Esed û şoreşa ku hat kirin Sûrîyeyîyên ku ji welatê xwe koç kiribûn qefle bi qefle vedigerin welatê xwe. Derbarê Sûrîyeyîyên ku vedigerin welatê xwe de ji teref Cîgira Komîserê Bilind a Neteweyên Yekbûyî ya ji bo Penaberan Kelly Clements ve daxuyanîyek hat belavkirin. Clements di daxuyanîya xwe ya ku belav kir de derbarê mijarê de got ku “Ji destpêka vê salê ve, nêzîkî 200 hezar welatîyên Sûrî ji Lubnanê ber bi Sûriyê ve vegerîyan ku piraniya wan bi tena serê xwe vegerîyane.” Clements di berdewama daxuyanîya xwe de her wiha destnîşan kir ku “ev hejmar bi lez zêde dibe.”
Clements di dawîya daxuyanîya ku belav kir de balan kişand li ser wan bajarên ku koçber lê vedigerin û wiha got : “Piraniya kesên ku vedigerin ber bi parêzgehên Hama û Humusê û li navenda Sûriyê û Helebê ve diçin.” Wê her wiha îfade kir ku “UNHCR” planek amade kiriye da ku piştgiriyê bide kesên ku vedigerin. Ew ê di nav vê piştgirîyê de nûjenkirinên piçûk ên xanî, piştgiriya dravî, dabînkirina hin hewcedariyên tavilê û dabînkirina tiştên alîkariyê yên bingehîn hene.
Di hevpeyvînek taybet a ku doh SANA bi Clements re kir de wê piştrast kir ku hejmareke mezin ji Sûrî di deh mehên borî de vegeriyane welatê xwe ku ev hejmar gihîştîye nêzîkî 850 hezaran. Ev yek ji bilî 1.7 mîlyon kesên din ên ku ji deverên din ên di nav Sûriyê de vegeriyane.
