Parîs-SANA
Serokê berê yê rejîma sûc “Beşar Esed” di sala 2012an de li Humusê fermana kuştina rojnamevanên ku di nav wan de yên rojnamevanên biyanî jî hebûn dabû ku îro rayedarên dadwerî yên Fransayê fermana girtinê derbarê “Esed” de derxistin.
Ajansa France-Presse ragihand ku rayedarên Fransayê heft fermanên girtinê yên navneteweyî, di nav wan de ji bo “Beşar Esed” û “Maher Esed”, ji ber bombebarankirina navendeke medyayê li taxa Baba Emr a Humsê di sala 2012an de, ku bû sedema mirina rojnamevana Amerîkî Marie Colvin û wênekêşê Fransî Rémi Ochlik, derxistine.
Di xebera ku di ajansê de hat belavkirin de her wisa hat gotin ku fermanên girtinê, girtina Elî Memlûk rêveberê Îstîxbarata Giştî, û Elî Eyûb û Refîq Şehada ku berpirsên ewlehiyê yên wê demê li Humusê bûn jî di nav xwe de digirin.
Lêkolînan eşkere kirin ku bombebaran wekî beşek ji planeke sîstematîk a ku di civîneke ewlehiyê ya asta bilind de bi armanca hedefgirtina rojnamevanên biyanî hatiye pejirandin, hatiye kirin ku dadgehê ev yek wekî sûcek li dijî mirovahiyê bi nav kir û qerara girtina wan derxist.
Di Mijdara 2023yan de, dadgehên Fransî fermana girtina navneteweyî ji bo “Beşar Esedê” sûcdar, bi tohmeta hevkariya di tawanên li dijî mirovahiyê de derxistin. Ev yek ji ber êrîşên bi karanîna çekên kîmyewî yên qedexekirî li dijî sivîlan li nêzî Şamê di sala 2013an de, hat kirin. Parîs her wiha di Adara 2012an de lêpirsînek li ser kuştin û hewldana kuştina welatiyên Fransî vekir. Di Cotmeha 2014an de, lêpirsîn berfireh bû da ku tawanên şer û tawanên li dijî mirovahiyê yên ku di Kanûna 2024an de hatine kirin jî di nav xwe de bigire.
Di Çileya borî de, dadgehên Fransî bi tohmeta tawanên şer fermana girtina “Beşar Esedê” sûcdar, derxistin.
