Şam-SANA
Di hevdîtinekê de li navenda wezaretê li Şamê, Wezîrê Rewşên Awarte û Birêvebirina Karesatan Raid El-Salih, ligel Balyozê Tirkîyê yê li Şamê Nûh Yilmaz, asoyên karê hevbeş û rêyên bilezkirina avakirina odeyeke operasyonan a hevbeş ji bo bersivdayîna rewşên awarte gotûbêj kirin.
El-Salih di peyamekê de li ser platforma «X»ê duh Pêncşemê got ku hevdîtinê pêşxistina hevkarîya pevguhertina tecrubeyan, avakirina şîyanên qadên têkoşîna li dijî şewatên daristanan û rakirina mînan û bermahîyên şer li xwe girt, her wiha hewldanên ku di çarçoveya dîtina «Sûrîya Bêkamp» de tên kirin hatin nirxandin, bi awayekî ku vegereke dilxwazane, ewle û domdar ji bo Sûrîyan misoger bike.
