Heleb-SANA
Rêveberîya Çavkanîyên Avê li Helebê îro Înê, wekî destpêkirina werza avdanê, ava bendava Meydankê ber bi projeyên avdana deştên Efrînê ve berda.
Ev gav bi amadebûna Rêveberê Giştî yê Desteya Giştî ya Çavkanîyên Avê Ehmed El-Kewan hat avêtin, bi mebesta dabînkirina avê ji bo erdên çandinîyê û piştgirîya cotkaran.
El-Kewan di daxuyanîyekê de ji SANAyê re dîyar kir ku Desteyê bernameyeke demkî ji bo şopandina projeyên jînwerî danîye; di serî de projeya bendava Meydankê ye ku qebareya ava embarbûyî tê de di vê werzê de ji ber pirbûna barîna baranê gihîştiye nêzîkî 141 mîlyon metre kûp.
El-Kewan di berdewamîya axaftina xwe de bal kişand ser wê yekê ku berdana koma yekem a avê ber bi deştên Efrînê ve, avdana darên berdar û darên zeytûnê misoger dike, her wiha beşdarî aramîya werza çandinîyê û baştirkirina berhemên wê dibe.
Avdana Nêzîkî 7700 Hektarî
Ji alîyê xwe ve, Rêveberê Bendava Meydankê Husên El-Hesen dîyar kir ku berdana avê armanc dike nêzîkî 7700 hektar ji erdên çandinîyê av bide, ji bilî ceribandina amadebaşîya tor û kenalên avdanê piştî rawestana operasyonên xebitandinê ku ji du salan derbas bûye, wekî amadekarîyekê ji bo çareserkirina her kil û kêmasîyeke ku derkeve holê û ji nû ve nûjenkirina wan.
El-Hesen li dawîyê jî da zanîn ku werza baranê ya baş beşdarî peydakirina depoyeke ava têrker ji bo dabînkirina hewcedarîyên avdanê kiriye, li alîyê din jî, bal kişand ser wê yekê ku bendav niha di bin lêkolînên teknîkî û jinûvenirxandineke giştî de ye.
Qebareya depokirinê ya bendava Meydankê nêzîkî 190 mîlyon metre kûp e û ava avdanê ji bo zêdetirî 18 hezar hektar erdên çandinîyê dabîn dike, ji bilî peydakirina ava vexwarinê ji bo her du bajarên Efrîn û Ezazê.
