Şam-SANA
Parêzgarê Gundewarê Şamê Amir El-Şêx ligel şandeyeke ji “Destpêşxerîya Mirovî ya Kesayetên Olî” (Humanitarian Faith Initiative) ya ser bi rêxistina MedGlobalê ve, hejmarek mijarên girêdayî aştîya navxweyî û xurtkirina hevgirtina civakî gotûbêj kirin. Di civînê de Fermandarê Ewlehîya Hundirîn li Gundewarê Şamê Emîd Ehmed El-Dalatî jî amade bû.
Di hevdîtinê de, şop û bandorên ku rejîma berê li ser tevna civakî ya Sûrîyê hiştine, bi rêya sîyasetên cudakar û belavkirina nakokîyan di navbera endamên civakê de hat behskirin. Her wiha kêşeyên girêdayî çareserkirina van bandoran û jinûveavakirina bawerîyê di navbera Sûrîyan de hatin nirxandin.
Her du alîyan tekezî li ser girîngîya xurtkirina dîyalogê û avakirina pirên peywendîyê di navbera pêkhateyên cuda yên civakê de kirin û karê hevbeş ji bo çespandina nirxên bihevrejîyan û jihevtêgihiştinê, bi rengekî ku di avakirina paşerojeke aramtir û hevgirtî ji bo Sûrîyê û gelê wê.
