Gundewarê Şamê-SANA
Bi hevkarîya ligel Sazîya Giştî ya Niştecihbûnê, Kompanya “Abyat” a Siûdî ya Veberhênan û Pêşxistina Xanûberan, îro Şemîyê projeya “Abyat Hills” li taxa Qudseyayê (E3) li Gundewarê Şamê, tevî amadebûneke fermî û aborî ya berfireh de da destpêkirin.
Projeya “Abyat Hills” yek ji projeyên avahîsazî û veberhênanê yên taybet e. Rûberê vê projeyê digihîje nêzîkî 380 hezar metreçargoşe, û zêdetirî 2000 yekeyên niştecihbûnê yên ku xwe dispêrin pîvanên nûjen di plansazî û xizmetguzarîyan de li xwe digire. Ev yek bi planeke cîbicîkirinê ku çar salan dikişîne pêk tê, bi armanca peydakirina jîngeheke niştecihbûnê ya giştgir ku niştecihbûn, xizmetguzarî û çalakîyên bazirganî û şahîyê di çarçoveya nexşeyeke bajarvanî ya nûjen û domdar de li hev dicivîne.
Wezîrê Karên Giştî û Niştecihbûnê Mistefa Ebdulrezaq tekez kir ku destpêkirina projeya niştecihbûnê ya giştgir û domdar a “Abyat Hills”, hevkarîya di navbera her du sektorên giştî û taybet de ji bo pêşxistina jîngehên avahîsazî yên nûjen nîşan dide. Her wiha destnîşan kir ku wezaret dê di rojên pêş de projeyên nû ber bi cîbicîkirinê ve bibe, ji bo piştgirîkirina sektora niştecihbûnê û dabînkirina hewcedarîyên welatîyan.
