Şam-SANA
Wezareta Hundir a Sûrîyê îro Înê ragihand ku tawanbarê yekem ê pêkanîna komkujîya El- Tedamunê ya Şamê, sûcdar Emced Yûsif, di operasyoneke ewlekarîyê ya hûr de li devera Deşta Xabê ya gundewarê Hemayê hatiye girtin. Ev komkujî bûbû sedema şehîdbûna bi dehan kesan.
Hêzên Ewlehîya Hundir sala borî hejmarek sûcdarên ku destê wan di komkujîya El-Tedamunê ya sala 2013an de hebû girtibûn, û ew li ser pêkanîna gelek komkujîyan li taxa El-Tedamunê ku tê de zêdetirî 500 mêr û jinên sivîl hatibûn kuştin, li xwe mikur hatibûn.
Sûcdar Emced Yûsif di dîmenên vîdyoyê de dihat dîtin ku bi awayekî hovane operasyonên îdamkirina bi kom a bi dehan sivîlên bêguneh li taxa El-Tedamunê pêk tîne.
Berpirsê Hevrêzîya taxa El-Tedamunê Ehmed Edra tekez dike ku komkujîya taxa El-Tedamunê ya ku 288 şehîdên wê hatine belgekirin, ne komkujîya tenê ye, belê yek ji gelek komkujîyan e ku gorên komî yên li taxê hatine dîtin vê rastîyê eşkere dikin.
