Şam-SANA
Rêveberê Giştî yê Sindoqa Geşepêdanê ya Sûrîyê Sefwet Reslan ligel şandeke Bernameya Niştecihbûnê ya Neteweyên Yekbûyî (UN-Habitat) bi serokatîya serokê bernameyê li Sûrîyê Hiroshi Takabayashi, dosyayên niştecihbûn, jinûveavakirin û plansazîya bajêr gotûbêj kirin.
Di hevdîtinê de, ser asta wêrankarîya mezin di sektora niştecihbûnê de hat behskirin û pêwîstîya amadekirina stratejîyeke niştimanî ya giştî ku hikûmet serokatîya wê bike hate tekezkirin, da ku dadmendî û zelalî di bernameyên piştgirîyê de werin misogerkirin, ligel yekkirina pîvanên nirxandina zirarê û dîyarkirina pêşgavîyên destwerdanê.
Her wiha her du alîyan nêrîneke destpêkê ji bo projeyeke niştecihbûnê ya hêsan ku dikare bi hevkarîya wezaretên pêwendîdar were pêşxistin, nirxand. Di heman demê de, modelên fînansekirina domdar ku piştgirîyê didin başbûnê û vebijarkên berfirehtir pêşkêşî malbatên zerardîtî dikin, hatin gotûbêjkirin.
