Şam – SANA
Desteya Navendî ya Çavdêrî û Lêgerînê ya Sûrîyê, berfirehkirina pêşbirka kar a ku di 13ê Cotmeha 2025an de hatibû ragihandin, ragihand. Ev biryar hat dayîn ji bo çalakkirina şaxên desteyê li herêma Cizîrê (parêzgehên Hesekê, Reqa û Dêrezorê) û peydakirina kadroyên nû bi sernavê wezîfeya “Alîkarê Mufetiş”.
Desteyê îro Sêşemê di daxuyanîyekê de li ser kenala xwe ya Telegramê dîyar kir ku mercên pêwîst ev in:
- Temenê serlêder divê ne zêdî 40 salî be.
- Xwedîyê bawernameyeke zanistî be di yek ji van beşan de: (Mafnasî, Aborî, Rêveberî).
- Pabendbûna bi dewama li Peymangeha Taybetmend a Çavdêrî û Lêgerînê û serkeftina di wê de.
Desteyê got ku qonaxên pêşbirkê di serî de divê datayên serlêder li gor şert û mercên pêşbirkê bin, piştre azmûneke nivîskî tê pêkanîn ku ne tenê ji bo nirxandinê ye lê belê divê serlêder tê de bi ser bikeve. Piştî azmûnê, hevpeyvînên devkî bi kesên serkeftî re têne kirin û di encamê de kesên ku pileyên herî bilind bi dest xwe ve anîne, ji bo kar têne hilbijartin. Hêjayî gotinê ye ku dema dawî ji bo wergirtina daxwaznameyan êvara roja Şemîyê, 28-02-2026 e.
Her wiha desteyê eşkere kir ku dabeşkirina li ser parêzgehan dê li gorî hewcedarîya kar be, û serdema perwerdeya li peymangehê jî bi mûçe ye. Desteyê bang li serlêderên ku li gorî mercan e kir ku bi rêya vê lînkê navên xwe qeyd bikin: https://ee.kobotoolbox.org/x/IDzlSw9s
Hêjayî bîranînê ye ku Desteya Navendî ya Çavdêrî û Lêgerînê bi hevahengîya bi Wezareta Geşepêdana Rêveberî re, di 13ê Cotmeha borî de hebûna postên vala ji bo “Alîkarê Mufetiş”, “Mufetişê Stajyer” û “Mafnas” ji bo kar li Îdareya Navendî û şaxên wê yên li parêzgehan, ragihandibû.
