Şam-SANA
Serdozgerê Giştî yê Şamê Dadwer Husam Xetab tekez kir ku Mersûma Serokatîyê ya hejmar (13) li ser rêya avakirina dewleta hemwelatîbûn û sazîyan, bingeheke yasayî û niştimanî ya pir girîng e.
Dadwer Xetab dîyar kir ku girîngîya yasayî ya vê mersûmê di wê yekê de ye ku bandorên sîyasetên awarte yên berê çareser dike, sîyasetên ku bûne sedema rewşên yasayî ku ne li gorî pîvanên dadmendîyê bûn. Her wiha, ev mersûm wê bingehê xurt dike ku pirrengîya neteweyî û çandî çavkanîya dewlemendîya dewletê ye.
Serdozgerê Giştî yê Şamê bal kişand ser wê yekê ku dewleta yasayê bi dirûşman nayê avakirin, lê bi zagonên dadperwer û îradeyeke rasteqîn ji bo bicihanîna wan ava dibe. Serdozger got ku ev mersûm pêngaveke pêşketî ye di vî warî de û pêwîst e hemû sazî û dezgehên dewletê û civak bi gîyanê berpirsyarîya niştimanî û rêzgirtina li serwerîya yasayê pê re tev bigerin.
