Şam – SANA
Rêvebirê Rêveberîya Konsulxaneyan li Wezareta Karên Derve û Koçberan, Mihemed Yeqûb El-Umer, ragihand ku li nûnertîyên Beyrût, Doha, Berlîn, Bruksel û Atînayê dest bi bikaranîna sîstemeke nû ya elektronîk hatiye kirin, di çarçoveya planeke giştî de ji bo dîjîtalkirina xizmetguzarîyan, wek planeke giştî berî ku li hemû nûnertîyên Sûrîyê yên li seranserî cîhanê were bikaranîn.
El-Umer di daxuyanîyekê de ji bo SANAyê, dîyar kir ku ev sîstema nû ji alîyê nûnertîyên dîplomatîk ên Sûrîyê ve tê bikaranîn da ku daneyên taybet bi hemû karûbarên konsulxaneyê yên ku jê re tên, têkevin sîstemê de. Her wiha ev sîstem rê dide rêveberîya navendî li Şamê ku gav bi gav û di heman demê de çavdêrîya rêveçûna kar bike.
Rêvebirê Rêveberîya Konsulxaneyan got ku ev system kare bi şêweyekî pir bilez rêkaran bi cî bîne; ku berê çareserkirina her belgeyekê 15 deqeyan dirêj dikir, niha daketiye kêmtirî 2 deqeyan, bi taybetî piştî ku ev sîstem bi awayekî teknîkî yê rasterast bi sepana “MOFA SY” ve hatiye girêdan. Ev yek hem dema çareserkirinê hem keda hevwelatî û karmendê qunsilxaneyê kêm dike, û dihêle kar û barên welatîyan bi awayekî hêsan bimeşin.
