Şam – SANA
Wezareta Navxwe tekez kir ku ji dema destpêkirina karê wê ve piştî rizgarkirina Sûrîyê, berpirsîyarîya şerê li dijî terorê bi hemû şêweyên wê li xwe girtîye, bi hevkarîya ligel Dezgeha Îstîxbarata Giştî û Wezareta Berevanîyê. Wezaret nehiştina rêxistina DAIŞê weke erkekî xwe yê sereke ji bo parastina ewlehî û aştîya sivîl, avakirina dewleta qanûnê û piştgirîya ewlehîya herêmî û navdewletî dibîne.
Wezareta Navxwe got ku di 13ê Kanûna Yekem a 2025an de, di dema civîneke ewlekarîyê de li derdora Tedmurê ligel şandek ji Hêzên Hevpeymanîya Navdewletî, endamekî DAIŞê êrîşeke çekdarî pêk anî û bû sedema kuştina du leşkeran û wergêrekî sivîl û birîndarbûna çend leşkerên din.
Wezaretê ew êrîş bi tundî şermezar kir û tekezî li ser berdewamîya lêpirsînan û şopandina kesên tê de beşdar bûne û berdewamkirina xebata li dijî DAIŞê bi hevahengîya ligel Hevpeymanîya Navdewletî, kir.
