Şam-SANA
Wezîrê Derve yê Almanyayê Johann Wadephul ragihand ku Sûrîyeya ewle û aram armanca Almanya û Ewropayê ye, û dîyar kir ku Sûrîye dikare bibe welatek ku di tevahîya herêmê de roleke mezin bilîze.
Wadephul di civîneke çapemenîyê de ku duh li Şamê li dar xist, got ku welatê wî ji bo rakirina cezayên aborî yên li ser Sûrîyê, jinûvevekirina balyozxaneya Almanî, û handana veberhênanên ji şirketên têkildar kar kiriye.
Wadephul bal kişand ser wê yekê ku zêdetirî milyonek Sûrî di salên borî de li Almanyayê penaber bûne, û dîyar kir ku serdana wî bo Şamê armanc dike ku têkilîyên di navbera her du welatan de xurt bike.
Wadephul anî ziman ku ew ji rêjeya wêranîya ku li derdora Şamê dîtibû, pir bandor bûye, ku ev yek wêranîya ku Almanya di sala 1945an de piştî Şerê Cîhanê yê Duyemîn dîtibû, tîne bîra mirov.
Wezîrê Derve yê Almanyayê zelal kir ku veberhênerên Alman dê li Sûrîyê veberhênan bikin ger ku jîngeheke guncaw ji bo vê yekê hebe. Li dawîyê jî got ku wî bi hevtayê xwe yê Sûrî Es’ed Hesen El-Şeybanî re pêwîstîya hebûna çarçoveyeke qanûnî ya ewle û sîstemeke bankî ya bi bandor gotûbêj kiriye.
