Şam-SANA
Cîgirê Serokê Dezgeha Navendî ya Pêdeçûna Darayî li Sûrîyeyê, Wesîm El-Mansûr, eşkere kir ku lêpirsînên dezgehê gendelîyeke têkûz eşkere kiriye ku di dema rejîma berê de li kertên stratejîk belav bûye û rasterast bandor li jîyana mirovan kiriye. Ji bilî wê jî, bandorên darayî yên vê gendelîyê hebûn, ku li gorî lêpirsînên destpêkê ji sed milyon dolarên amerîkî derbas bûye.
80 Komîteyên Lêpirsînê
Wekî din jî, El-Mansûr piştrast kir ku Dezgeha Navendî ya Pêdeçûna Darayî bi sedan dozên gendelîyê wergirtine yên ku zîyaneke mezin gihandine malê giştî û berpirsên berê tawanbar bûne. Her weha wî destnîşan kir ku ji bo şopandina van dozan, zêdetirî 80 komîteyên lêpirsînê yên pispor hatine damezrandin. Li alîyê din jî, wî rave kir ku lêpirsînan gendelîyeke birêxistî eşkere kiriye ku di beşinan de bû bandora wê ya rasterast li debara welatîyan hebû. Lewma, berpirsyarîya eşkerekirina van rastîyan dikeve histûyê dezgehê ku eşkere bike û kesên tometbar bide darizandin da misoger bike ku ev kiryar careke din dubare nebin.
Erk û Taybetmendîyên Dezgeha Navendî
Her weha El-Mansûr rave kir ku Dezgeha Navendî ya Pêdeçûna Darayî desteyeke serbixwe ye ku li gorî qanûna 64an a 2003an girêdayî Serokê Komarê ye û ji beş û şaxên taybetmend bi çavdêrî û dûvçûna di kertên cuda de pêk tê.
Plana 2025: Pêdeçûn, Perwerde û Pêşxistina Çavdêrîyê
Li alîyê din jî, El-Mansûr rave kir ku plana xebata dezgehê ya 2025an van xalan li xwe digire: Pêdeçûna hesabên alîyên giştî ji ber sala 2024an, temamkirina lêpirsînên dozên gendelîyê, û dabînkirina karmendên jêhatî bo dezgehê û perwerdekirina wan bi rêya Enstîtuya Teknîkî ya Pêdeçûna Darayî.
Ber bi Serxwetîyeke Mezintir û Hevkarîya Navneteweyî ya Karîger
Li talîyê jî, El-Mansûr tekez kir ku Dezgeha Navendî ya Pêdeçûna Darayî girîngîyê dide hevkarîya navneteweyî û pevguhertina şîyanan bi dezgehên çavdêrîyê yên Erebî û navneteweyî re. Her weha wî tekez kir ku dezgeh şirîkê hikûmetê ye di parastina malê giştî û piştgirîya karîgêrîyê de, wekî din jî, ew bi rengekî serbixwe li gorî standardên navneteweyî tev digere ku bawerîya welatîyan bi sazîyên dewletê xurt bike.
