Beyrût – SANA
Di encama êrîşeke esmanî de ku firokeyên Îsraîla dagirker birin ser devera El-Hartîyê li derdora bajarokê Edlûnê yê ser bi qezaya Seydayê li başûrê Libnanê, 8 Sûrî hatin kuştin ku zarok jî di nav wan de hene. Her wiha di encama êrîşeke esmanî ya li ser rêya Zeftayê de xanîyek bi temamî wêran bû.
Êrîş berfireh bûn û êrîşên esmanî, topbarana topxaneyê ya dijwar û rêze-operasyonên lêgerînê bi çekên giran li xwe girtin ku bajarokên Cewya, Burc El-Şemalî, Serîfa, Tûlîn, Belat û Dibînê kirin armanc, ku ev yek bû sedema zirarên maddî yên berfireh di çendîn herêman de.
Ev êrîş bûn sedema kuştina polîsekî li şaredarîya ‘Ebayê ya ser bi bajarê Nebetîyê ve bi rêya droneke Îsraîlî duh roja Înê, di heman demê de tîmên rizgarkirinê yên Berevanîya Sivîl karîn cenazeyên du kuştîyên din ji bin kavilan li Teyr Debayê derxin.
