Mekeya Pîroz – SANA
Hecîyên Mala Xwedê, îro Çarşemê, di roja yekem a Cejna Qurbanê ya pîroz de, li devera Mînayê dest bi avêtina heft kevirên li pey hev li Cemeratê Mezin kirin, ligel tekbîrkirinê di dema avêtina her kevirî de.
Hecî piştî avêtina kevirên Cemeratê Mezin, qurbana Hecê ser jê dike, ku ev yek ji bo Hecîyên Temetû’ û Qiran wacib e û ji bo Hecîyên Mufrid jî sunet e; paşê hecî pora serê xwe diqusînin yan kurt dikin û piştre jî tewafa Îfadê pêk tînin.
Hecîyên Mala Xwedê duh Sêşemê, ruknê herî mezin ê Hecê ku rawestana li ser çîyayê pîroz yê Erefatê ye pêk anîbûn, paşê berê xwe dabûn Muzdelîfeyê û şeva borî li wir mabûn.
Hêjayî gotinê ye ku Desteya Giştî ya Amaran li Erebistana Siûdî duh di statîstîkên fermî de ragihand ku hejmara giştî ya hecîyan ji bo werza Hecê ya sala 1447an a Koçî gihîştiye 1.707.301 hecîyan.
